Zidane-a'n penalty vawi thum a dang

France legend Zine­dine Zidane-a fapa Luca Zidane-a'n penalty vawi thum a dang a, France U17-in UEFA Euro­pean Under-17 Cham­pionship final an lut.

Thawhlehni khan France leh Belgium ten semifinal an khel a, hun pangngaiah 1-1 a an in­hnehtawk avangin penal­ty pet a ṭul a, France U17 keeper Zidane hian 2006 World Cup final-a apa penalty ang deuh khan goal laiah a pet a, amaherawhchu goal chhunga lut loin a out thung. Pet goal loh vanga mualpho thei dinhmuna ding Zidane hian penalty vawi thum a dang a, France U17 hero a ni.

Euro U17 hi Bulgaria-ah khelh a ni a, France U17 hian final-ah Russia U17 hnehtu Germany U17 nen May 22 khian final an khel ang. Euro U17-ah hian champion lai chu England U17 an ni a, England hian quarterfinal-ah Russia an hneh lo.