Senegal midfielder hlui Diop a thi

Premier League club Fulham leh Portsmouth tana khel tawh Papa Bouba Diop chu Pathianni khan a thi, Senegal international midfielder hlui hi a thih chhan chiang taka tarlan ni lo mah se hun rei tak a damlo tawh tih erawh an tarlang.

Kum 42 mi Diop hian English football inelna sang berah match 129 a khel, Fulham leh Portsmouth bakah hian English club dang West Ham leh Birmingham City tan pawh a khel. World Cup 2002 khan Diop hi an ram tan a inlan, khawvel huap inelna lian berah hian champion lai France lakah goal khungin an ram hi 1-0 in hnehna a chanpui.

FIFA chuan thu-chhuah siamin, "World Cup player ropui a ni reng tawh ang," an ti. Fulham pawhin an player hlui thih vanga pawi an tih thu leh, thlamuang taka chawl tura an duh thu an tarlang ve bawk.