Madame Tussauds-a:h Messi :

Sathau (wax) hmanga siam Lionel Messi lim chu thla li chhung siam a nih hnuin Nilaini khan New York-a Madame Tussauds-ah tlangzarh a ni.

Messi nena inang thei bera siam an tumna lamah thlalak leh video aṭangin ṭum 250 zet Messi len zawng hi an teh nawn a. A awmna section-ah hian tennis superstar Serena Williams leh boxing icon Muhammad Ali te an awm ve bawk.

Madame Tussauds hi sathau museum a ni a. Kum 1835 khan sathau hmanga lim siam thei Marie Tussaud chuan Sherlock Holmes chenna Baker Street, London-ah museum a hawng a. Ngaihhlut a hlawh chho zel a, tunah chuan Madame Tussaud's wax museum tih hming vuahin khawpui hrang hrang din a ni tawh.