Player te hlawha inseng hnem Paris St-Germain
Sporting Intelligence website chuan tunhnai khan sport team zinga player te hlawha inseng hnem list a tichhuak a, a chung berah French club Paris St-Germain an awm.
Zirchianna in a tarlan dan chuan Ligue 1 champion hian player pakhat hlawhah £101,898 zel kar tin chhung inseng ang an ni. Qatar sumdawng hausa club PSG hnuai chiahah Real Madrid an awm a, nikuma pakhatna dinhmun hauhtu Manchester City chu pathumnaah tla thla in kar tin player pakhat zela an hlawh sen zat chu £96,445 ang a ni.
Top 20-ah Premier League club an lang nual a, champion zo hlim chu Chelsea chu pariatnaah awmin Arsenal chu sawm naah an awm a, Liverpool-in 14 na dinhmun an hauh thung.
Sporting Intelligence hian ram 13-a league 17 aṭangin team 333 an zirchiang a, an club zirchiante hi football club ringawt nilovin baseball, basketball, American football, cricket, ice hockey leh Australian Rules football club te an ni.
Football club ni lo Top 10-a lang pha zingah baseball club Los Angeles Dodgers leh New York Yankees te an tel a, League pumpuia hlawh insen hnem lamah erawh NBA an sang hle a, NBA team a player tin hian kum khatah pound maktaduai 2.67 hlawh zel anga chhut a ni a, Premier league club zawng zawng chawhrualin team tinin kum khatah player pakhat hlawha pound maktaduai 2.23 inseng ang zel an ni.
World sport salary top 10
(bracket chhunga mi hi kar khata player pakhat hlawh atana an sen ral zat ang zel a ni.)
1. Paris St Germain (£101,898)
2. Real Madrid (£96,933)
3. Manchester City (£96,445)
4. Barcelona (£90,675)
5. Los Angeles Dodgers (£89,999)
6. Manchester United (£89,988)
7. Bayern Munich (£85,935)
8. Chelsea (£83,713)
9. New York Yankees (£81,992)
10. Arsenal (£77,963)