Hmeichhe Football Vawiinah Mizoram Vs Jharkhand

National Sub-Junior Championship for Girls semifinal-ah Mizoramin vawiin hian Jharkhand an hmachhawn ang. Mizoram hi hmeichhe kum 15 hnuai lam inelnaah hian an la champion ngai lo a, final an la lut lo bawk.

Tun ṭumah hian Mizo tleirawlte Odisha-ah an che ṭha a, quarterfinal lut turin Tripura vawi hnih hmachhawnin 10-0 leh 5-0 in an chak. Quarterfinal-ah an group-a awm Odisha (3-0), Chandigarh (19-0) leh Bihar (3-1) an hneh vek a, goal 25 khungin goal khat chiah an chhuah.

Mizoram manager Lalnunsanga chuan, "Jharkhand an ṭang thei a, awlsam taka hneh theih tur an ni lo. Amaherawhchu kan game a tlak hniam viau loh chuan Pathian zarah final kan luh ngei kan beisei," tiin a sawi.

Vawiin vek hian semifinal pakhat zawkah Haryana leh Bihar te an inkhel bawk ang.