Mi 41 hnenah black belt hlan

Mizoram Amateur Taekwondo Association chuan tun hnai khan mi 41 hnenah World Taekwondo Black Belt Certificate a hlan. MATA hnuaiah hian mi 281 zetin black belt an nei tawh.

Kum 2016 aṭang khan Mizoram hian examiner licence neiin exam a buatsaih ṭhin. Examiner licence nei mi pahnih awmin master VL Sawma leh Joseph Thansanga ten exam hi an endik ṭhin a ni.

Black belt dawng thar 41 zingah hian 1st dan mi 35, 2nd dan mi 4, 3rd dan mi 1 leh 4th dan mi 1 an ni. Black belt pass thar zingah kum kaw (9) mi R. Lalrohlui, Ramhlun North chu hmeichhe naupang ber a ni bawk.

Black belt exam tur hian colour belt hrang hrang pasarih paltlang a ngai. Chumi hnuah TFI rem tihnain black belt hi an exam ṭhin. Black belt hi a san chho zel danah 9 dan (degree) thleng exam tur a awm. 10 dan erawh Taekwondo Promote ṭhat dan en in pek an ni thin.