Fabregas hremna an tihnepsak

Chelsea midfielder Cesc Fabregas chu West Brom nen an inkhelh ṭuma red card a hmuh hnuin a hremna chu match thum aṭangin match khatah tih tlem sak a ni.

Spanish midfielder hian Pathianni zana West Brom laka 0-3 a an tlawm ṭumin West Brom player Chris Brunt a lu ah ball-in a pet per lui a, hnawhchhuah a ni. Dan pangngai ang chuan Fabregas hi match thum chhung khel thei lo tura hrem a ni. Mahse, Chelsea-in Fabregas hremna ennawn tura an dil hnuin Arsenal captain hlui hremna hi ennawn a ni a, match khatah tih tlem sak a ni ta a ni.

England rama football thuneitu sang Football Association thuchhuak chuan, "Uluk taka Chelsea-in FA hnena an lungawilohna an thehluhte zirchian a nih hnuah Cesc Fabregas hremna hi tih nep sak a ni ta a ni," an ti.