Haaland-a'n hattrick a siam

Norwegian striker Erling Haaland chuan Nations League-ah hattrick a siam a, an ram team chu Kazakhstan lakah 5-0 ngawtin hnehna a chanpui - nakkumah chuan League A an khel ve thei tawh bawk ang.

Norway tan hian Haaland bakah Atletico Madrid striker Alexander Sorloth leh RB Leipzig midfielder Antonio Nusa te chuan goal khat ve ve an khung bawk a, Kazakhstan-in a chhanletna tur an neih loh avangin Norway hi chiang takin an chak.

Manchester City striker Haaland hian ram tan match 39 a khelhah goal 38 ngawt a khung tling ta a, Nations League-ah goal sarih khungin, top scorer dinhmun a luah mek bawk.