Clippers ngam loh 76ers

Nimin zing NBA regular season inkhelah Philadelphia 76ers chuan Kawhi Leonard awmna Los Angeles Clippers chu 110-103 a hnehin playoff khel turin an dinhmun an sawhnghet zel.

Philadelphia 76ers tan hian Ben Simmons chuan triple-double nei turin point 26 a score bakah rebounds vawi 12 lain assist vawi 10 a nei bawk, hnehna an chan theih nana player malkhaia pawimawh ber tia chhal ngam a ni.

Inkhel dangah Houston Rockets chuan Boston Celtics 116-105 in an hneh. Rockets tan point 42 neitu James Harden bakah Russell Westbrook (36 points) te an langsar lehpek hle. Celtics tana Gordon Hayward (20 points) hna thawhin awmzia a nei thui lo.