Sterling dawr tum lo Liverpool
Liverpool chuan nimina inbiakna neihpui an tum Raheem Sterling biak an tum lo a, an ruahmanna neihsa pawh ṭhulhin nimin khan club chuan Raheem Sterling hi an dawr lo a ni.
Reds-in Sterling dawr an tumna ṭhulh a nih chhan hi tunhnaiah Sterling-a agent Aidy Ward chuan Liverpool-in English winger chu kar khata £900,000 hlawh turin sawm dawn pawh nise engtikawng zawng maha contract thar a ziah loh tur thu a sawi vang a ni.
Aidy Ward chuan Evening Standard-in an kawmnaah he thu hi sawiin, "Club in eng thuchhuak nge an neih lam ka ngaihtuah lo a, ka ngaihsak lo. Thil chiang sa chu Sterling hi Liverpool-ah a cham dawn lo a, eng anga pawisa tam pawn hmin theih a ni lo ang," a ti.
Ward hian Liverpool legend tunhnaia Sterling khawsazia vanga English winger sawiseltu Jamie Carragher chu ṭawngkam mawi lo takin a sawi bawk.
Sterling-a agent chuan, "Player khel lai leh chawl tawh aṭanga an sawiselna hi ka bengkhawn lo a, ṭangkaina an nei lo. Kan duh ang bakin kan kal dawn chuang lo a, an sawiselna leh thurawn zawng zawngte hi rintlak a awm lo," a ti.
Kum 20-a upa winger hian Liverpool-in April thlaa kar khata £100,000 hlawh tura an sawmna chu a lo hnar tawh a, May 10-a Chelsea nen an inkhelh ṭum khan inkhelh hmain manager Brendan Rodgers hnenah season thara chhuah a duh thu a lo sawi tawh bawk. Kum 2017-a a contract neihlai hmang zo tur Sterling hian Anfield a mangṭha hmel ta hle.