Ibe leh Flanagan Liverpool-ah cham zel dawn

Liverpool winger Jordon Ibe leh defender Jon Flanagan te chuan Anfield-a cham chhun­zawm zel turin contract thar an ziak.

Ibe hi tun season-ah Liverpool first team tan a khel ṭan a, kum nga dang cham belh leh turin Reds-ah hian contract a ziak a ni.

Kum 19 leka upa winger chuan, "Liverpool hi club ropui tak a ni a, he club kalphung hi ka ngainain nuam ka ti hle. Liverpool tan hian ṭha taka ka khelh chhunzawm zel theih ka inbeisei tlat a ni," a ti.

Liverpool manager Brendan Rodgers chuan, "Talent nei ṭha leh he club tana a theihna pholang theitu tur a ni a, kan hnena cham chhunzawm zel a duh hian minti lawm takzet a ni," tiin Birmingham City leh Derby County-a loan a khel tawh Ibe chungchang a sawi.

Kum 22-a upa Flana­gan hi a khup hliam vangin tun season chhung Reds tan a inlan lo a, a hliam vang hian thla ruk aṭanga thla kua thleng chu a la chawlh a ngaiin a rinawm. England tan pawha inlan tawh Flanagan hian thla 12 dang cham turin Liverpool-ah hian contract thar a ziak a ni.