Badminton Junior National Championship : Mizoram an che ṭha nghal

Yonex-Sunrise 47th Junior National Championship 2024-ah a vawi khat nan Mizoram team an inlan a, nimin khan Mizoram Boy's Team chuan Chattisgarh hnehin, semifinal an lut - nizan khan semifinal hi Uttar Pradesh nen an khel a, an result kan hre hman lo.

Bhubaneswar, Odisha-a neih inelna hi zone champion inelna bik a ni. Badminton Association of India chuan India hi zone rukah ṭhenin, Mizoram hi NE Zone champion niin, a vawi khat nan inelnaah an inlan a, an che ṭha nghal viau.

Mizoram tan singles-ah H. Lalṭhazuala inlanin, India number 6 Raunat Chauhan a hneh a, doubles-ah C. Lalramsanga leh Malsawmhlua inlanin chak zo lo mah se, deciding match-ah Ramsanga'n straight set-a hnehna changin, semifinal hi an lut ta a ni.

November 19-25 inkar chhung inelna hi neih tur niin, nimin leh vawiin hi team championship inelna neih a ni a, November 21, Ningani - November 25, Thawhṭanni chhungin open championship neih tur a ni thung.