Zudio LPS Pro Fight 2024 : Zaninah last 16 match pahnih awm dawn

20th November, 2024

A thiam zual chauh an dam tawh, an inthlifim chho zel a, tunah chuan Zudio LPS Pro Fight 2024 pawhin a hmawr bawkna lam an hnaih zel - zanin hian welterweight leh middleweight huangah last 16 match pahnih a awm ang.

LPS Arena, Falkland Vengah zanin inelna hi neih ṭhin a ni. November 19, Thawhlehni zan pawh khan inhnek 12 a awm a, zanin hian an inlan kim a nih chuan inhnek 13 a awm thung dawn a ni.

Tualchhung boxing inelna zinga boruak nei lian ber hi LPS 1-ah leh LPS YouTube lamah live hmanga en theih ṭhin a ni bawk.