AFCON 2025 khel tur Sudan

Tualchhuang buaina ina chim vel Sudan chuan football vangin lawmna tur an hmu - Sudan hi AFCON 2025 khel turin an inpettling a, an ram tan chuan mellung pawimawh a nih bakah chanchin lawmawm a ni ngei ang.

Sudan hian anmahni ramah pawh mikhual an thleng thei lo a, tualchhung buaina vangin ram dang team an zin lut ngai lo. Thawhṭanni zan khan Angola an hmachhawn a, goal awm loin an inhnehtawk.

Match ruk an khelh aṭangin Sudan hian point riat an hmu a, Group F-ah pahnihna niin an chungah hian Angola an awm thung; an hnuaiah Niger leh Ghana te an awm.

AFCON 2025 khel tur hian a thlengtu Morocco chu an tling chiang sa a, anni bakah hian - Algeria, Angola, Benin, Burkina Faso, Cameroon, Comoros, DR Congo, Egypt, Equatorial Guinea, Gabon, Ivory Coast, Nigeria, Mali, Senegal, South Africa, Sudan, Tunisia, Uganda, Zambia, Zimbabwe te an tling tawh bawk a ni.