Villa-ah Rogers a nghet

Aston Villa attacking midfielder Morgan Rogers chuan contract a ziak thar - Premier League club nen hian kum 2030 thleng daih inremna an ziak.

Kum 22 mi Rogers hian kumin January thla khan Middlesbrough aṭangin Aston Villa hi a zawm, pound maktaduai riat man niin, a man zat a pun belh theihna tur hi pound maktaduai sarih lai a ni tel bawk.

Unai Emery-a'n a hmang thiam a, season hmasa chawhnu lam pawh khan hmun pawimawh a chang - Villa hi Premier League table-ah palina a nihpui hial, tun season kal laiah pawh a pawimawh leh hle.

Aston Villa tan Rogers hian tun season chhungin match 15 a khel tawh a, goal thum khungin a ṭhiante khung tur vawi thum a siamsak tawh bawk a ni.

Club tana a khelh ṭhat miau avangin England tan pawh kohna a dawng hial a, Three Lions tana a match hmasa atan Greece nen Nations League an khelh ṭum khan a inlan.