Canadian GP tlan hun an sawn

Formula 1 Canadian Grand Prix 2025 tlan hun tur chu sawn a ni, a hun an tihdanglam chhan hi sum sen tur a hautak loh bakah boruak chhia tihchhuah tlem theihna tur a nih beisei vang a ni.

May thlatir lamah Canadian Grand Prix hi neih a ni ṭhin tawh dawn, chumi hnuah Miami Grand Prix an tlan leh ang. Europe khawmualpui aṭanga Atlantic tuipuia vawi hnih zin ngai loin, vawi khat zin tlangin intlansiak pahnih an hmachhawn thei ang.

F1 president leh chief executive officer ni bawk Stefano Domenicali chuan, "F1 hi nghelnghet leh ṭha taka a kal zel kan duh, chumi tur atan chuan tuna pawh thil kan tidanglam ta a ni.

"Sum a hautak lo sawt dawn a, chu mai bakah chuan hun a hek loin lirthei leh lawng aṭanga boruak ṭha lo pekchhuah a tlahniam bawk ang," tiin a sawi a, thuneitu leh F1 team tana ṭha tur a nih thu a sawi bawk.

Canadian Grand Prix hian F1 thuneitu lam nen kum 2031 thleng daih inremna an nei mek a, an thawhdun hun tur hi a la rei viau - tuna ruahmanna hi a rei lo berah pawh kum ruk chu an hmang dawn a ni.