Tuchel nena khaikhin duh lo Jurgen Klopp

Borussia Dortmund coach season thara chhuak tur Jurgen Klopp chuan an fan te hnenah amah thlaktu tur Thomas Tuchel nen khaikhin lo turin a chah.

Inrinnia Signal Iduna Park-a a game hnuhnung ber enkawltu Klopp chuan fan te hnenah, "Nangni nena kan thawk ho thei hi ka lawm takzet a, he club tan leh nangni tana ka thawk thei hi ka inchhuang em em a ni," a ti.

DFB-Pokal final Wolfsburg nen an khelh huna Dortmund tana a game hnuhnung ber hmachhawn tur Klopp chuan, "Tunah chuan ka hun a tawp tawh a, coach ṭha takin min rawn thlak dawn a ni. Mahse, in hnena ka sawi duh chu Tuchel nen hian min khaikhin suh u. In khaikhin kual na hian kan hma lama chona phurawm tak a tih huphurhawm thei a, kan hun tawn hlimawm takte kha holam takin a thai bo thei bawk a ni," a ti.

Kum sarih chhung Dortmund enkawltu chuan, "DFB-Pokal final kan la khel dawn a, chutah chuan kan rilru kan sawr bing a pawimawh ber. Hlimawm takin kan season kan khar theih ngei ka beisei tlat a ni," tiin trophy chawi lova a season hnuhnung ber mangṭha a tum loh thu a sawi.