Volland-a'n contract thar ziak

Kevin Volland chuan a hmalam hun tur ti chiangin a khelh mekna Hoffenheim-ah kum hnih dang cham chhun zawm turin a contract a pawt sei. Kum 2019 thleng a cham chhunzawm dawn tihna a ni.

Germany international winger Volland hi tun sea­son-ah a chet ṭhat avang­in club lian ṭhenkhat Borussia Dortmund, Bayer Leverkusen leh Borussia Monchengladbach te nen sawi zawm a ni a, heng club te hian lakluh an duh thu an sawi lai mekin a khelh meknaah a cham chhun­zawm dawn ta zawk a ni.

Kum 22 a upa Vo­lland chuan, "Ka club Hoffenheim hi nuam ka tiin he hmunah hian ka hlim avangin cham rih ka duh a ni. Ka chungchangah thuthang dik lo tak tak awm mah se tunah chuan ka duhthlanna chu a chiang ta, he lai hmunah hian ka hlima ka awm rih ang," tiin a sawi.

Tun season-ah Volland hian a club tan match 31 a khelh aṭangin goal 31 a khung thei. A club hi point 44 hmuh puiin table-ah pa riatna an nih pui. German-in European Under-21 Championship an khelh turah captain a ni dawn nghe nghe. A club tan hian a pumpuiah match 98 khel tawhin goal 25 a khung tawh.