Inkhelh laiin Argentine footballer a thi

Argentine defender Cristian Gomez chu Pathianni khan inkhelh laiin a tlu a, a hnu reilo teah a thi zui.

Kum 27-a upa Gomez hi Argentina club Atletico Parana defender a ni a, Pathianni khan Argentina second-tier Primera B-ah Boca Unidos nen an inkhel a, inkhelh lai hian chau thutin damdawi-in panpui a nih laiin a thi ta a ni.

Boca Unidos doctor Miguel Darre chuan, "Kan theihtawp chhuahin chhanhim kan tum a, mahse damdawi-in kan panpui laiin kawng lakah a boral ta a ni,"a ti.

Gomez-a thih hma hian May 14 khan Argentina footballer tho Emanuel Ortega chu field hungna bang rem a tauh fuh vangin a lo thi tawh a, he thihna avanga kar khat chhung Argentina football a chawlh hnua inkhel leh hmasa berah chhiatna hi a thlen chhunzawm leh nghal a ni.