Sociedad a cham rih tur Moyes

David Moyes chaun season tharah pawh Real Sociedad a enkawl chhunzawm zel dawn.

Nikum November thla khan Jagoba Arrasate thlak turin Moyes hian Real Sociedad a zawm a, a club hi a chet chhiat pui vak lo. Spanish La Liga-ah point 46 hlawhchhuah puiin table-ah 12 naah a awm pui thei. Media ṭhenkhat chuan a chhuahsan tak Premier League-ah a kir leh dawn niin an report leh hman.

West Ham United leh Newcastle United te chuan season thar 2015-16 atan Moyes hi lak luh an duh ve ve niin report a awm mek.

Hetih lai mek hian Manchester United manager hlui Moyes chuan, "Mi zawng zawng hriatah he thu hi ka sawi duh e, season tharah chuan Spain-ah hian ka la awm rih ang. England-ah khan awm rih duh ni ila chuan chhuahsan kher lo khan ka duh chuan ka cham chhun zawm thei tho. Mahse, ka awm mek na San Sebastian hi nuam ka tiin helai hmuna cham rih hi ka duh a ni. Chin dan thar leh kal phung thar hmachhawn ka duh a, player ṭha tak takte nen hum hlimawm tak kan hmang a, cham zel hi ka duh a ni," a ti.