June-a hmalam hun ti chiang tur Alves

Barcelona defender Dani Alves chuan June 6 a Champions League final Juventus nen an khelh zawh hunah a hmalam hun tur a tihchian tur thu a sawi. Tun season tawp rual hian Alves-a contract neih lai hi a tawp zui ve tawh dawn a ni.

Kum 32 a upa Alves hi French champion Paris St-Germain lama kal tura ngaih a ni tawh a, kum sarih zet a cham chilh tawh Barcelona-in contarct thar an zawrh chu a lo hnawl tawh a ni. English club Manchester United chuan Alves hi lak luh an duh ve tho nia sawi a awm bawk.

Tun season-ah Barce­lona hi an che ropui hle a, manager thar Luis En­rique enkawlna hnuaiah La Liga champion nomawi an chawi tawh bak­ah Copa del Rey leh Champions League final khelh hmabak an la nei bawk.

Brazilian defende Alves chuan, "June 7-ah ka hmalam hun tur chu ka sawi chiang thei ang. Tunah chuan final pahnih khelh hmabak kan la neihah chiah ka rilru ka sawr bing rih dawn. Ka hmalam huna thu tlukna siam tu tur chu keimah ka ni a, midang pawhin min hriatthiam ngei ka beisei," tiin a sawi.

Hetih lai hian Bar­celona president Josep Maria Bartomeu chuan an right-back chu Nou Camp a la cham chhunzawm zel tura a duh thu a lo sawi ve bawk.