Hamilton-a'n ngai a awh leh vat ang - Toto Wolff

Mercedes boss Toto Wolff chuan an driver Lewis Hamilton chuan a team te thil tihsual hrethiam a, a rilru puthmang pangngai ṭha taka a put chhunzawm leh mai theih a beisei thu a sawi.

Pathianni a tlan zawh tak Formula 1 Monaco Grand Prix-ah khan Hamilton hi pakhatna ni ngei tura ngaih niin, intlansiak tawp dawn thlengin hmahruaitu a ni. Mahse, safety car a rawn tlanluh avangin Hamilton hi a motor ke thlak turin pitstop-ah koh luh a ni a, he tih chhung hian a team-mate Nico Rosberg leh Sebestian Vettel te chuan an lo tlan pel hman. Intalnsiak tawp thlenga a umphak tawh loh avangin Hamilton hi pathumnaah a thleng a ni.

Kum 43 a upa Toto Wolff chuan, "Lewis hi a puitling tawh a, rilru zau tak a nei bawk. Mihring kan nih avangin tihsual nei thei vek kan ni a, chuvangin a ni pawhin a hrethiam in ka ring. Hetiang thil thleng pakhat vang hian a buai phah lo anga, ṭha takin intlansiak a hmahhawn leh nghal ngei ang," tiin a sawi.

Tun season-ah Mercedes driver Hamilton hi a che ropui rih hle a, intlansiak vawi ruk awm tawhah vawi thum hnehna chang theiin vawi li zet pole position a chang tawh bawk. Tunah hian point 126 hmu mekin hmahruaitu a ni.

British driver Hamilton chuan, "France a thil thlengah khan mimal a dem tur tumah an awm lo. Team kan ni a, kan thawk ho vek. Keimah chauh a tuar tu ka ni bik lo a, kan zavaiin pumkhat kan ni. Hnehna chan ngei tumin ka theih tawpin ka bei a, mahse ka duhthusam erawh a thleng ta lo. Ka beidawn phah lo a, France-ah hian nakumah ṭha zawk a intlansiak hmachhawn turin ka kir leh ang," tiin an thil tawn chu a pawm thiam thu a sawi ve bawk.