Derby County duh loh Steve McClaren

England manager hlui Steve McClaren chu Derby County-in a contract an tihtawp sak.

Championship club Derby chuan, "Uluk taka 2014-15 season kan thlir let hnuin, Mc Claren-a contract tihtawp hi kan thutlukna chu a ni," tiin thuchhuah an siam.

Newcastle nena sawi zawm Mc Claren hian September 2013 khan Derby hi a zawm a, kum 2014 khan playoff final thlenpui mah se Premier League a kai pui lo a. Tun season-ah Derby hi pariatnaah an awm a, playoff an khel pha lo.

Manchester United assistant manager hlui Mc Claren chuan, "An thutlukna hian mintu lunghnur hle. Season tawp danah lawm lo tlang mah ila hmasawnna kan nei a, season thara beiseina sang tak kan neih chu a thlawn ta a ni," tiin a lungawi loh thu a sawi.