Cancer ngam loh Gutierrez

Newcastle United midfielder Jonas Gu­tierrez chuan tun season Premier League match hnuhnung ber an khelh dan chu film ang mai nia a hriat thu a sawi.

Kum 31-a upa Gu­tierrez hi a serh cancer avangin zai a ni a, thla hnih liamta aṭang khan a inkhel pangngai leh thei chauh a ni. A natna vang hian inkhel thei tawh lo tura ngaih ni hman mah se minute 90 chhung inkhel turin a inpeih leh tawh.

Inrinni zan Premier League kharna inkhelah khan Newcastle kha chak lo nise la chuan Championship a tla thei dinhmunah an ding hman. Mahse Moussa Sissoko leh Gutierrez goal khat ve ve khung hmangin 2-0 in West Ham an hneh. Season tharah EPL an khelh chhunzawm dawn a ni.

Argentine midfielder Gutierrez chuan, "New­castle kawr ka ha thei hi ka lawm, he hmunah hiam hun hlimawm tak tak leh lungngaihthlak tak tak ka lo hman tawh avangin ka tan chuan he club hi a hlu a ni. West Ham nena kan inkhelh khan kan tana pawimawh ber chu point thum hmuh a ni a, chu chu a tawpah ka ti thei. Thawnthu ngaihnawm tak film a chan ang hi ni maiin ka hria," tiin a hun tawn chuan a tih hlim thu a sawi.