City a cham tur Toure

Manchester City midfielder Yaya Toure agent Dimitri Seluk chuan Etihad Stadium-ah Ivorian midfielder chu a la cham chhunzawm zel tur thu a sawi.

Seluk hian hmanni lawkah Toure chu chhuak tur angin sawi mah se tunhnaiah City-in an ui beh em avangin a chhuah leh loh tur thu a sawi a, amaha beiseitu Inter Milan lam a pan dawn ta lo a nih hmel.

Kum 32-a upa midfielder hian tun season-ah Manchester City tan Premier League-ah match 29 a khel a, goal 10 khungin pahnihna a nih pui.

Barcelona player hlui hian kum 2010 khan Manchester City hi a zawm a, kum 2012 leh 2014-ah te Premier League-ah champion puiin FA Cup 2011 leh League Cup 2014-ah te a champion pui. A contract neihlai ang chuan City-ah hian kum hnih lai hun a la nei a ni.