Szczesny-a'n contract pawtsei

Wojciech Szczesny chuan Juventus tana a contract neih lai a pawt sei a, Arsenal goalkeeper hlui hian Italian champion tan kum 24 thleng cham chhunzawm turin inremna an ziak a ni.

Gunners tana hmun nghet a chan mumal loh avangin Szczesny hian Serie A club AS Roma a zawm a, Roma aṭang hian 2017 khan Juventus hi a zawm. Turin club tan hian match 84 khel tawhin league nomawi pahnih bakah Coppa Italia leh Italian Super Cup te a chawi tawh bawk.

Poland international Szczesny hian Juve a zawmtirh chuan hmun nghet a chang mai bik lo, legend Gianluigi Buffon thachhangdawltu a ni - mahse season hmasa berah match 21 a khel phak tho, tunah erawh rinrawl a ni.

Kum 29 mi Szczesny chuan, "Season li atan inremna kan ziak leh thei ta hi ka lawm, he hmunah hian ka hlimin nomawi tam zawk chawi ngei pawh ka duh," tiin Juve tan a khel chhunzawm zel tur chu a lawmthu a sawi.