Serena ang nih duh Sabalenka

Aryna Sabalenka chuan world number 1 ni chunga kum tawp a hmang thei chu lawmawm a tih thu a sawi a, a player ngaihsan Serena Williams anga number 1 nih rei theih chu a duhthusam a nih thu a sawi bawk.

Kum 26 mi Sabalenka hian season a hmang ṭha hle, kum tir lam khan Australian Open nomawi a chawi a, season tawp lamah US Open title leh WTA Finals nomawi a chawi bawk a ni.

Belarus nula Sabalenka chuan, "Iga Swiatek khan hun rei tak chhung chu world ranking hi a awm thei a, a chhuanawm takzet. Tun hma khan Serena chuan midang elphak rual lohin dinhmun chungnung a lo luah tawh bawk.

"Kum nga liam ta khan ka ṭhian hnai tak pakhat chuan, engtik niah emaw chuan world number ka la nih ve theih tur thu hi min hrilh a, a tirah kha chuan fiamthuah ngaiin ka nuih san mai mai.

"Tunah erawh kan duhthusam leh suangtuahna kha a takin a lo thleng a, number 1 ni chungin kum tawp te ka hmang ve ta hial. Tun hma aṭanga ka ngaihsan leh a inkhel ka en tam Serena anga hun rei tak number 1 nih theih chu ka duhthusam a ni," tiin a sawi.