Round of 32 inkhel tur a hriat

23rd November, 2024

GIG Motors All Mizoram Inter Village Football Championship 2024 khelh lai chu an inthlifim chho zel a, tunah chuan team 32 chauh an dam ta.

Nimin khan 1st Bn MAP Ground, Armed Vengah inkhel pahnih awmin Tlangmawi chuan an khingpui Kelsih chu 5-0 in an hneh a, inkhel hnuhnung zawkah Zemabawk North chuan Bethlehem Veng chu 2-0 in an hneh bawk.

Round of 32 aṭanga inkhelh dan tur hi nimin tlai khan pawh fel nghal a ni. November 26, Thawhṭanni aṭangin an inkhel chhunzawm leh nghal ang.