Second round-ah Sindhu a tla

PV Sindhu tan kum ṭha a ni thei ngang lo - beiseina sang tak nen China Masters Super 750 badminton tournament khel ve mah se, second round lekah a khingpui hneh loin a zinkawng a tawp leh ta.

Ningani inkhelah Sindhu hi Yeo Jia Min nen an inhmachhawn a, Singapore nula nen darkar khat leh minute kua an inkhelh hnuah 16-21, 21-17, 21-23 in a vanduai zawkah a ṭang.

Sindhu hi a vanglai chuan khawvela ṭha berte zinga mi a ni - Olympic medal pawh vawi hnih lai a la tawh. Mahse, kuminah a che fuh hleithei lo a, tunah chuan world ranking lamah pawh 19-naah a tlahniam tawh a ni.

Mipa singles lamah erawh Lakshya Sen a la chak thung. Sen-a hian Rasmus Gemke chu 21-16, 21-18 in a hneh. Mipa doubles pair Satwiksairaj Rankireddy leh Chirag Shetty te ṭangdun pawhin Rasmus Kjaer leh Frederik Soggard 21-19, 21-15 te hnehin quarterfinal an lut ve bawk.