ISL an khel leh dawn ta

International break avanga an chawlh hahdam hnuah Indian Super League chu zanin hian khelh ṭan a ni leh dawn ta a, tlai dar 5:00-ah Mizo player awm lohna Punjab FC chuan NorthEast United an mikhual ang.

Punjab hian an match hmasa pathumah hnehna changin season bul ṭan ṭha viau mah se, an match hnuhnung pathumah vawi hnih an tlawm a, match hnuhnung pathuma tlawm nei lo NorthEast United an mikhual dawn avangin fimkhur a ṭul dawn.

Khalid Jamil-a enkawlna hnuaiah Jamshedpur FC-in season an hmang ṭha a, mahse, an match hnuhnung pahnihah goal 10 ngawt chhuahin an tlawm chiang hle - insiamṭhat an mamawh a, zanin dar 7:30-a an hmachhawn tur chu tun season-a vawi khat chiah la tlawm Mohun Bagan an ni!

Pathianni zanah inkhel pakhat a awm dawn a, zan dar 7:30-ah Kerala Blasters chuan Chennaiyin an mikhual ang.