England cricket coach thar Bayliss

Australian coach Trevor Bayliss chuan Peter Moores thlakin England cricket team coach thar a ni dawn ta. A ṭum hnihna atana England enkawltu Moores hi May 9 khan England and Wales cricket board chuan a hna aṭangin an ban a ni.

Kum 52-a upa Aus­tralia-a Big Bash League team Sydney Sidney Sixers enkawltu hi Australian zinga England cricket team enkawltu hmasa ber tur a ni.

Bayliss hi Inter­national cricket-ah a mikhual hran lo. Kum 2007-2011 chhung khan Sri Lanka cricket team a lo kaihruai tawh a, kum 2014-a Asutralia-in Twenty20 series khel tura South Africa an pan khan Australia a kaihruai bawk. Indian Premier League lamah pawh a mikhual lo, Kolkata Knight Riders coach ni mek a ni.

Bayliss chuan, "England coach hna chelh tura min ruat avangin ka lawm a, hmalam hun eng tak kan neiah ka ngai a ni," tiin England cricket team a enkawl tur chu a lawm thu a sawi.