Kolo Toure leh Andre Wisdom tan contract thar

Liverpool defender Kolo Toure leh Andre Wisdom te chuan Anfield-a cham chhunzawm zel turin contract thar an ziak.

Reds thuchhuak chuan player pahnih contract an pawhsei chung chang hi puang chiang lo mah se Kolo Toure hi kum khat an ziahpuiah ngaih a ni a, Andre Wisom hi hun rei tak chhung atan tih bak tarlan a ni lem lo.

Kum 34-a upa Toure hian July 2013-ah khan Manchester City aṭang­in Liverpool a zawm a, Premier Lea­gue-ah reds tan match 32 a in lan tawh.

September 2012-a Liverpool tana a senior game hmasa ber kheltu Wisdom hian tun season kha West Brom lamah loan-in a hun a hmang thung.

Tunhnaiah Liverpool-in an player kawl lai ho contract thar an ziahpui nual a, kum 19-a upa winger Jordan Ibe chuan kum nga dang cham tura contract lo ziak tawhin kum 22-a upa defender Jon Flanagan chuan thla 12 dang cham turin contract thar a lo ziak tawh bawk a ni.