Paul Clement-a'n Real chhuahsan dawn

Real Madrid assistant manager Paul Clement chu a pu Carlo Ancelotti ban a nih hnu lawkah an manager Steve McClaren bantu Derby County manager ni tura sawi rik a ni.

Kum 43-a upa Clement hian kum 2013 aṭang khan Real Madrid a zawm a, coaching staff zinga Ancelotti rinrawl ber zinga mi a ni.

Clement hian Derby hi a zawm a nih chuan manager pangngai anga a hna hmasa ber tur a ni dawn a, tun kar chhungah Derby hi zawm hman tura beisei a ni.

Clement hian kum 1990-ah Chelsea aṭangin coaching hna a thawk ṭan a, kum 2009-ah khan Guus Hiddink hnuaiah first team tan a thawk ṭan. Ancelotti nen an inzui nasa a, Chelsea, Paris St-German leh Real Madrid-ah te an thawk dun a ni.