Copa America khel lo tur Valencia

Manchester United winger Antonio Valencia chu a ke rek na avangin Copa America a khel thei dawn lo. Thawhṭanni khan Valencia hliam hi zai niin ngaiawh leh tur chuan a tlem berah kar hnih emawh kar thum emaw tal a mamawh dawn a ni.

June 11 aṭanga khelh ṭan tur Copa America-ah hian Valencia te ram Ecuador hi Group A-ah a thlengtu Chile, Mexico leh Bolivia te nen an awm ho.

Ecuadorian Football Fede­ration (FEF) chuan thuchhuah siamin, "Antonio hliam kha hmanhmawh thlak taka zai a ni a, kan duh dan chuan 100%-in fit hman se ka ti hle. Mahse, a dinhmun kan thlirin Copa Ame­rica khel tur chuan a fit hman­in a rinawm loh. World Cup quali­fying-ah ṭha taka a inkhelh theih zawk nan a chawlh rih a ngai dawn a ni," tiin thu chhuah an siam.

Valencia hian an ram Ecua­dor tan hian match 75 khel tawhin goal riat a khung tawh. A naupan deuh laiin Ecuador U20 tan match 23 a khelh aṭangin goal 17 lai a lo khung tawh bawk a ni.