Real Madrid manager thar tur Benitez

Spanish club lian Real Madrid-in an manager ṭang lai Carlo Ancelotti an ban a, an manager ban tur thuthang a awm aṭang tawha Real nena an sawi zawm reng Rafael Benitez chuan Spanish club hi a zawm dawn ta.

Kum 55-a upa mana­ger hian contract la ziak chiah lo mah se Real nen an inbe fel vek tawh nia sawi a ni a, a club enkawl lai Serie A team Napoli-in Pathianni-a an match hnuhnung ber an khelh zawh hunah contract thar hi ziak tura sawi a ni.

Real Madrid B team tana lo khel tawh ṭhin Benitez hian Spanish club zingah Valencia a lo enkawl tawh a, La Liga title vawi hnih chawi puiin UEFA Cup-ah a champion pui bawk. A club enkawl lai Napoli hi kum 2013-ah khan zawmin season hmasa khan Coppa Italia a chawi pui.