Bagan ṭantuten tifo lian ber an pho chhuak

Inrinni zan khan Mohuan Bagan-in Jamshedpur 3-0 in an sawp a, Salt Lake Stadium-ah Mariners ṭantuten Asia rama tifo lian ber an pho chhuak. Tifo hian 12,600 square feet a awh a, a ropui tham hle.

Tifo hi football-ah chuan fan-ten stadium-ah banner, flag, lehkha khawng etc hmanga thuziak an chhawp chhuah sawina a ni. An rem hriat dan a zirin ennawm a tling ve bawk.

Bagan ṭantute chhawp chhuah hi chu banner lian pui a ni ber a ni a, 'home away from home' tih bakah 'our love will bring back your lovely smiles' tih a inziak. A hnuaia banner-ah chuan 'not foreigners but family' tih a inziak bawk.

Mariners tan Lalengmawia Ralte-in bul a ṭan a; Tom Aldred leh Liston Colaco ten first half-a an khung hnuin Jamie Maclaren-a'n second half-ah a khung belh.

Inkhel dangah NorthEast United-in Punjab FC 2-1 in an hneh. Juan Pedro Benali hote hian player 10-in second half pum khel mah se Guilermo Fernandes leh Nestor Albiach te goal hmangin hnehna an chang.

NE United hian season ṭan hmain Durand Cup nomawi an chawi a, ISL-ah pawh an che ṭha zui. Pedro Benali hote hian match kuaah point 15 hmuin pathumna an ni mek. Zanin dar 7:30 hian Hyderabad leh Odisha te an inkhel ang.