Sporting mualah Arsenal

Cristiano Ronaldo vangin Sporting Lisbon hian hriat a hlawh ṭhin a, tun hnaia an larna erawh an manager hlui Ruben Amorim vang a ni mek - Portuguese club hian zanin dar 1:30 hian Champions League khel turin Arsenal an mikhual ang.

Sporting Lisbon hi hmachhawn an awlsam dawn lo - tun season UCL match li an khelh tawh chinah pahnihna an ni mek, an tluk loh awmchhun chu la chak kim Liverpool chauh an ni a, North London club tan fimkhur a ngai dawn hle.

Portuguese club hian tunlaia boruak nei lian tak Viktor Gyokeres an kawl a, ani hi nipui bazar laia Arsenal nen pawh an sawizawm tawh kha a ni - Man City laka hattrick siam thei a nih avangin William Saliba leh Gabriel ten an ven uluk a ngai dawn.

Mikel Arteta-a'n kar tawp Premier League an khelh ṭumin Declan Rice leh Kai Havertz te a hahchawlh tir a, zanin chuan a bul aṭangin an inlan nghal a rinawm - kar tawpah West Ham nen match hautak an khelh zui leh nghal dawn avangin an insiksawi thiam deuh a ngai dawn a ni.