China-ah An Se-young a champion

Badminton inelna China Masters chu Pathianni zan khan khelh zawh niin, Olympic champion lai An Se-young chuan Gao Fangjie chu minute 38 chhunga hnehin a champion.

Shenzhen khawpui chhim lama inkhelah, kum 22 mi An Se-young hian Gao-i hi 21-12, 21-8 in an hneh a, tun season kal laiah a vawi li nan BWF World Tour title a la tling ta chiah bawk.

South Korea nula An Se-young chuan, "Ka tan chuan kum ṭha leh chhinchhiah tlak a ni a, theihnghilh theih a ni tawh lo ang," tiin a sawi a, a tan chuan Olympic gold medal a lak kum a nih bawk avangin a hlu zual hle ang.

Mipa inelna lamah seeded pathumna Anders Antonsen chuan Indonesian mi Jonatan Christie chu 21-15, 21-13 a hnehin a champion ve bawk.

Badminton inelna season a zo hnai a, December 11-15 chhung hian Hangzhou, China-ah a ranking sang zual pariatten BWF World Tour Finals an khel ang.