Snooker champioship-ah Lalrina Renthlei a champion

Mizoram Snooker & Billiards Association (MSBA) buatsaih Mizoram Snooker 6 Red Championship (2024-2025) khelh zawh takah Lalrina Renthlei a champion.

Nomawi inchuhna hi race to 4-a khelh a ni a, Tuikhuahtlang star Lalrina Renthlei leh Lalsangzela, Khatla South te an inhmachhawn. MSBA player chhuanvawr pahnih inhmachhawn an ni a, an inkhel a hmuhnawm hle.

Lalrina'n point 67-0 leh 62-1 a a zawna frame 2 a lak hnuah, Zela'n 0-49-in frame khat a la a, chumi hnu chuan, Lalrina'n 56-26, 31-28 in a zawnin frame 2 a la leh a, 4-1 in Lalrina a chak ta a ni.

Mizoram Snooker & Billiards Association (MSBA) buatsaih Mizoram Snooker 6 Red Championship (2024-2025) hi MSBA Hall, Hawla Indoor Stadium, Republic Vengthlangah khelh niin, Mizoram hmun hrang hrang aṭangin player 35 an tel.