Spurs keeper Vicario an zai

Tottenham Hotspur goalkeeper Guglielmo Vicario chu a kerek hliam zai a ni a, hun eng emaw ti chhung chu a inkhel thei dawn rih lo a ni.

Kartawp Premier League inkhelah Vicario hian Manchester City a hmachhawn a, minute 90 chhung a inkhel thei. Mahse, Spurs chuan Thawhṭanni khan an keeper hi a hliam a, zai a nih thu an sawi zui nghal bawk.

North London club chuan thuchhuah siamin, "Guglielmo Vicario chu a kerek ding lam hliam zai a ni. Kan damdawi lam thiamte chuan uluk takin an vil zui dawn a, dam leh thuai turin duhsakna kan hlan," tiin a sawi.

Spurs hian Premier League-ah point 19 hmuin parukna an ni mek - Ningani zan hian Europa League an khel dawn a, manager thar Claudio Ranieri hoa insiamṭhat tum AS Roma an lo mikhual ang.