Germany-in Low an ring

Germany Football Association (DFB) chuan an manager Joachim Low chungah rinna an nghat a, kum 2014-a FIFA World Cup nomawi chawipuitu hian nakkuma neih tur European Cham-pionship-ah Germany a enkawl ang.

Germany hi an match hnuhnung berah Spain lakah 6-0 zetin an tlawm a, Germany-a football thuneitute video conferencing hmangin Low-a hmalam hun chungchanga an rel a, chhawr zel turin thutlukna an siam.

Thawhṭanni khan DFB president Fritz Keller leh vice president Rainer Koch bakah national team director Oliver Bierhoff ten Low hi an hmu a, thultukna hi an hrilh. Gemany hi June 2021-a khelh tur Euro 2020-ah France, Portugal leh Hungary te nen group khatah an awmho a, hmabak a harsa dawn hle. Die Mannschaft ṭantuten Low chhuak se an tih laia a enkawl chhunzawm takah chuan player pathum Thomas Muller, Mats Hummels leh Jerome Boateng te ko let se tih chu an duhthusam a ni ang.