Goal thum khungtu Dortmund

Bundesliga lamah beisei phak lo mah se Champions League-ah erawh Borussia Dortmund an che thei viau - match nga an khelha an vawi li chakna ni turin Dinamo Zagreb chu 3-0 in an sawp a, Jamie Gittens, Ramy Bensebaini leh Serhou Guirassy ten goal khat ṭheuh an khung a, Croatian club-in a chhanletna tur an nei lo.

Dortmund hian point 12 hmuin, palina dinhmun an luah mek a, hmabakah match thum khelh tur la neiin, Barcelona an mikhual tur tih loh chu game harsaa sawi tur an nei tawh lo - Bologna (away) leh Shakhtar Donetsk (home) an hmachhawn leh ang a, direct-a last 16 luhna chance a sang hle.

Zagreb tan pawh beisei tur a la awm - match nga aṭanga point sarih neiin, 21-na an ni a, Celtic (home), Arsenal (away) leh AC Milan (home) an la hmachhawn dawn avangin harsat erawh a harsa ang.