Foxes enkawl tur Nistelrooy

Ruud van Nistelrooy chuan Leicester City a enkawl dawn - Foxes manager chhuak ta Steve Cooper a thlak dawn a, puanzar la ni chiah lo mah se an inrem tih a chiang tawh a ni.

Kum 48 mi Nistelrooy hi Manchester United assistant manager a ni tawh a, manager Erik ten Hag an ban hnuah team a enkawl lailawk tawh bawk, mahse Ruben Amorim an lak hnuah a hna a thawk chhunzawm lo.

Player a nih laiin Nistelrooy hian Premier League-ah tawnhriat a nei ṭha tawk a, tuna a club enkawl tur Leicester City hi table hnuai lama talbuai lai an nih avangin a hna a hautak dawn hle.

Foxes hian EPL match 12 aṭangin point 10 chauh an la hmu, tla thei dinhmuna ding chin Ipswich aia an sanna chu point khat chauh a ni - Inrinni zan hian Brentford an lenchilh ang.