Celtic-in beiseina an nei

Scottish champion Celtic chuan Champions League last 16 lut turin beiseina an la nei ve zel. Thawhlehni zan khan an mikhual Club Brugge lakah Cameron Carter-Vickers (own goal) hmangin hnufual mah se, Japanese winger Daizen Maeda chuan si phurh sutna goal khungin, point khat an hlawh chhuak.

Celtic hian match nga an khelh aṭangin point riat an nei a, table-ah 20-na niin, knockout playoff khel thei dinhmunah an ding mek - an hmabakah Dinamo Zagreb (away), Young Boys (home) leh Aston Villa (away) an la nei a, club lian hmachhawn tur an neih tawh loh avangin an tan chance a ṭha hle.

Scottish club manager Brendan Rodgers chuan, "Kan thlen tum thleng turin kawng dik kan zawh mek zel a ni. Hnehna chan ngei chu kan duh a, mahse, khatiang game-ah khan a tlawm theih tih hre turin he hmunah hian ka awm rei tawk tawh - kan rilru a paukhauh a, a tawp thlengin theihtawp kan chhuah a ni," a ti a, an result-ah a lawm tawk.