Cleveland hnehtu Hawksa

NBA season kal laiah Cleveland Cavaliers chu anmahni mualah ngei an tlawm ve ta - nimin zing inkhelah Cleveland hian Atlanta Hawks chu 135-124 in an ngam lo.

Hawks an chak theih nan hian Trae Young a langsar hle, point 20 a neih chu mimala lansarhna tham a ni kher lo ang, mahse basketball a khelh tawh chinah match khata assist a neih tam ber ṭum tawng turin vawi 22 tehmeuh a ṭhiante basket neih tur a siamsak.

Inkhel dangah James Harden-a point 43 neih hmangin Los Angeles Clippers chuan Washington Wizards lakah 121-96 in hnehna an chang a, season hmang fuh lo tak mai Wizards hi a zawnin match 13 chhung an tlawm ta a ni.