Inter Miami manager thar Mascherano

Lionel Messi khelhna Inter Miami chuan coach thar an nei, a hming chu Javier Mascherano a ni. Argentine manager hian player a nih laia a khelh pui tawh Messi leh a ṭhiante a enkawl dawn tihna a ni.

Kum 40 Mascherano hian Major League Soccer club tan hian season thun daih contract a ziak. Player a nih laiin West Ham, Liverpool leh Barcelona bakah River Plate tan a khel tawh a, tawnhriat chu a nei ṭha hle.

Inter Miami neitu zinga mi David Beckham chuan, "Javier hi player a nih lai chuan khawvela a ṭha berte zinga mi a ni a, team enkawl hna a thawh chinah pawh sulhnu a nei ṭha. Football kalhmang hria leh hmathlir nei thui a ni," tiin a sawi.