QPR-in Ferdinand an chhuah dawn

Premier League aṭanga tlahniam Queens Park Rangers chuan an player paruk contract tawpte chu pawhsei sak an tum tawh lo a, chung player zingah chuan Manchester United defender hlui Rio Ferdinand a tel.

Ferdinand hi West Ham United youth system chhuak a ni a, Leeds United a zawm hnuin Manchester United-in pound maktaduai 30-in an la lut a. English defender hi a hunlaia defender manto ber a ni.

Kum 36-a upa Ferdinand bakah hian QPR-in midfielder Joey Barton (Kum 32), Centre-back Richard Dunne (Kum 35), winger Shaun Wright-Phillips (Kum 33), striker Bobby Zamora (Kum 34) leh goalkeeper Brian Murphy (Kum 32) te an ni a, player paruk hi kum 30 chunglam veka an ni.

Hetihlai hian QPR-in kum 36-a upa defender Clint Hill leh kum 28-a upa midfielder Alejandro Faurlin te contract thar an zawrh dawn a, June 30-a contract tawp tur midfielder Karl Henry-a'n an ziah lawk tawh angin a duh chuan kum khat dang a pawtsei thei ang.

QPR hian 2013-14 season khan playoff-ah chakin Premier League an kai a, kum khat an awm hnuah an tla leh nghal. Season tharah Championship an khel dawn a, Harry Redknapp thlaktu Chris Ramsey-a'n chhanhim zo lo mah se an rin zui thu an tichiang tawh bawk.