Stoke City-ah Danish keeper

Premier League club Stoke City chuan Danish goalkeeper beiseiawm Jakob Haugaard chu kum thum chhung an club a khel turin an lalut a, a man zat hi puanzar a ni lo.

Kum 23-a upa goal-keeper hian Danish club FC Midtjylland aṭangin Stoke City hi a zawm a, season hman liam takah khan a club chhuahsan Midtjylland hi Danish Superliga title a lakpui nghe nghe.

Ft6 leh inch6 a sang Danish keeper chuan, "Ka tan chuan hei hi hun ṭha leh duhawm a ni. Stoke-in min duh thu hi ka lo hre tawh ṭhin a, nikum December khan ka agent nen Stoke zawm chungchang hi kan lo sawi dun tawh nghe nghe a ni," tiin Stoke a zawm thei chu a lawm thu a sawi.

Stoke first-choice keeper Asmir Begovic chuan con­tract thar a ziah dawn leh dawn loh a la tichiang lo a, England Under-21 interna­tional Jack Butland chuan kum li dang Stoke-a cham turin contract thar a ziak tawh thung.