Argentina-in Copa squad a puang

Chile-ah June 11 aṭanga July 4 thleng hian South America ramte inelna Copa America chu neih a ni dawn. Argentina chuan heta an ram aiawh tur player 23 chu an puang chiang ta.

Argentina hi Group B-ah Uruguay, Paraguay leh Jamaica te nen an awm a, June 13 khian an match hmasa berah Paraguay nen La Serena-ah an khel ang.

He tournament-ah hian Argentina hi vawi 14 zet an champion tawh a, Lionel Messi te ram hi champion tura rinkai an ni.

Argentina manager Gerardo Martino hian Barcelona star Lionel Messi pui turin Juventus innghahna Carlos Tevez leh Premier League top scorer Sergio Aguero te a ko tel a. Aguero leh Tevez hian Catalan club tana Messi kawppui Luis Suarez leh Neymar te nen tehkhin an hlawh khawp ang.

Argentina squad-ah hian Premier League player paruk koh an ni a, an zingah hian tun season a beisei phak lo Manchester united winger Angel Di Maria pawh a tel.

Agustina squad chu:-

Goalkeepers: Mariano Andujar (Napoli), Nahuel Guzman (Tigres), Sergio Romero (Sampdoria)

Defenders: Milton Casco (Newell's), Martin Demichelis (Manchester City), Ezequiel Garay (Zenit), Nicolas Otamendi (Valencia), Marcos Rojo (Manchester United), Facundo Roncaglia (Genoa), Pablo Zabaleta (Manchester City)

Midfielders: Ever Banega (Sevilla), Lucas Biglia (Lazio), Angel Di Maria (Manchester United), Fernando Gago (Boca), Erik Lamela (Tottenham), Javier Mascherano (Barcelona), Javier Pastore (PSG), Roberto Pereyra (Juventus)

Forwards: Sergio Aguero (Manchester City), Gonzalo Higuain (Napoli), Ezequiel Lavezzi (PSG), Lionel Messi (Barcelona), Carlos Tevez (Juventus)