Suarez-a'n training a zawm
Barcelona striker Luis Suarez chuan malpui tha na vanga a chawlh hnuah training puitling a zawm leh ta. Tunkar tawpa Nou Camp a Athletic Bilbao nen Copa del Rey final an khelh hunah a inlan theih tawh ngei beisei a ni.
Uruguay international hi tun thla tir lama Barcelona leh Bayern Munich-in Champions League semifinal an khelh ṭum khan thana vangin lak chhuah a ni a, inhliam vang hian La Liga-ah Atletico Madrid leh Deportivo la Coruna te a hmachhawn lo.
Liverpool aṭanga Barcelona pantu Suarez hian a season khatnaah a team te chu La Liga champion nomawi a chawi pui tawh bakah Champions League leh Copa del Rey-ah final khelh tur an la nei bawk.